العديد من الوصفات المصرية الشهيه

 طرق عمل اكالات مصريه شهيه 

طريقه عمل سلطه بابا غنوج

المقادير:

• باذنجان 

• طحينه 

• ملح

• فلفل اسود 

• ثوم مهروس

• خل 

• عصير ليمون 

• فلفل أخضر مفروم 

• كمون 

• كزبره ناشفه 

• معلقتين زبادي 

• زيت

• بقدونس للتزيين 

طريقه التحضير:

اشوي الباذنجان علي البتوجاز من فوق أو في الفرن ثم قومي بوضعه في مياه ساقعه عشان يتقشر بسهوله

بعد تقشيره يوضع في بوله غويطه وعليه مقدار مناسب من الطحينه ومعلقه صغيره توم وفلفل احمر مفرومين ومعلقتين كبار زبادي وخل وعصير ليمونه وزيت

وملح وفلفل وكمون وشطه وكزبره ناشفه ونقلب جميع المكونات مع بعض جيدا ثم ضيفي على وجه طبق التقديم بعض من البقدونس وقدميه وبالهنا والشفا 

طريقه عمل باذنجان مقلي

المقادير:

• باذنجان طويل 

• ثوم

• فلفل احمر واخضر 

• ملح 

• كمون 

• كزبره ناشفه 

• خل 

• ليمون 

طريقه التحضير:

افتحي الباذنجان بعد اما تغسليه وتنشفيه جيدا ثم اقليه 

اضربي في الكبه توم وفلفل احمر وفلفل اخضر

ثم قومي بوضع الملح والكمون والكزبره الناشفه وليمون وخل ونحشي البتنجان بالخلطه وقدميه بالهنا والشفا 

طريقه عمل سلطه طحينه 

المقادير:

• نصف كوب طحينه 

• 4 معالق خل 

• مياه سخنه 

• ثوم مفروم 

• كزبره ناشفه 

• بابريكا 

• زيت على الوجه 

طريقه التحضير:

قومي بوضع الطحينه في بوله ثم ضعي عليها الخل وقلبيهم جيدا 

انزلي عليهم بمياه سخنه واحده واحده وقلبيهم لحد مايبقي قوام كريمي انزلي عليهم بالثوم المفروم والملح وكمون وكزبره ناشفه وبابريكا وقلبيهم جيدا ضعيها ف طبق التقديم وعلى الوجه زيت زيتون وبالهنا والشفا 

طريقه عمل فول بالطحينة

المقادير:

• فول 

• طحينه 

• معلقه زيت 

• عصير ليمونه 

• ملح

• مياه سخنه

طريقه التحضير:

ضعي الفول على النار 

حطي الطحينة فى كوب عليهم معلقة كبيرة زيت وعصير ليمون وملح ونخففهم بمياه وقلبيهم كله كويس جدا وتكون خفيفه مش تقيلة وانزلي بيهم على الفول وقلبيهم على النار ثم ضعيه في طبق التقديم وبالهنا والشفا

طريقه عمل فراخ بالبطاطس 

• وراك دجاج

•  بطاطس مقطعه شرائح سميكة

• بصل مقطع شرائح

• 4 كوب عصير طماطم

• 3 ملعقة كبيرة صلصة طماطم

• 2 ملعقة كبيرة سمنة

• رشه سكر

• ملح

•  فلفل اسود

• بهارات مختلفه

طريقه التحضير:

في حلة على النار قومي بوضع السمنة والثوم وقلبيهم  حتي يصبح ذهبي ثم ضيفي الصلصة ونص كمية التوابل وقلبيهم جيدا 

ثم ضيفي عصير الطماطم ويترك علي النار حتي الغليان 

في طبق ضعي شرائح البصل وباقى كمية التوابل ونقوم بفرك البصل باليد حتى يشرب من التوابل 

في صنييه قومي بوضع جزء من البصل وجزء من  الصلصة ثم نص كمية البطاطس ثم نضع بصل وصلصة وباقي كمية البطاطس ثم باقي كمية البصل 

ثم قومي بوضع الفراخ وباقي كمية الصلصة يجب ان تغلف الفراخ جيدا بالصلصة دخليها فرن ساخن واتركيها حتي النضج وقدميها وبالهنا والشفا 

طريقه عمل كشري اسكندراني

المقادير:

• 2 كوب أرز مصري

• 2 كوب عدس

• بصله مفرومة

• ملح حسب الرغبة

• فلفل اسود

• 3 كوب ماء حسب الاحتياج

• 2 معلقه كبيره سمنة

طريقه التحضير:

اغسلي العدس جيدا واتركيه يتصفي واغسلي الأرز جيدا واتركيه يتصفي 

في حلة ضعي السمنة ثم قومي بتشويح البصلة ثم ضيفي العدس وشوحيه كويس ثم الارز وقلبيهم جيدا ثم ضيفي الملح والفلفل وقلبيهم ثم ضيفي الماء المغلي ويغلي غلوة عالعالي ثم نوطي ونهدي النار تماما واتركيه حتي يستوي وقدميه وبالهنا والشفا 

طريقه عمل الارز المعمر 

المقادير:

• 2 كوب ارز مغسول 

• معلقة زبدة 

• 2 كوب حليب

• 2 معلقة زيت

•  قشطة

• معلقة كبيرة زبادى

طريقه التحضير:

اغلي الحليب ثم قومي بوضع الزبده والملح

قومي بوضع الزيت على الارز وقلبيهم ثم قومي بوضع الأرز على الحليب واتركيهم على النار لحد ما يسخن وقبل ما يغلي ننقلهم في الطاجن ونحشية بقطع من الفراخ او اللحمه هاتي طبق اخر قومي بوضع فية الزبادى علي علبة القشطة والزبده وقلبيهم ثم ضعي الخليط  علي وش الطاجن ودخليهم الفرن سخن من فوق وتحت ونسيب الشواية مفتوحة لحد ما ياخد لون من الوش وبعدين نطفي الشواية ونسيب النار من تحت بس لحد ما يسوى وقدميه ساخن وبالهنا والشفا