طرق عمل الجمبري بطرق مختلفة

 عمل الجمبري بطرق مختلفه وشهيه

طريقه عمل مكرونة بالجمبري

المقادير:

• باكيت مكرونة اي نوع حسب الرغبة 

•  جمبري

• 2 معلقة كبيرة زبدة

• 2 معلقة كبيرة زيت

•  ملح حسب الرغبه 

• فلفل اسود حسب الرغبة 

• 4 فصوص ثوم مهروسين ناعم

• 3 كوب كريمة طبخ

• كوب جبنة بارميزان مبشورة

طريقة التحضير:

اسلقي الباستا ثم صفيها واتركيها جانباً

سخني الزبدة والزيت في طاسة واسعة على نار متوسطة

ضيفي الجمبري مع نصف كمية الملح والفلفل والثوم وقلبي لدقايق ثم ارفعيه من الطاسة وسيبيه على جنب

ضيفي لنفس الطاسة الثوم المتبقي وقلبي لمدة دقيقة

وبعدين ضيفي الكريمة ونصف كمية الجبنة البارميزان وحركي لحد ما الخليط يبدأ بالغليان

ضعي الجمبري للكريمة واتركي المزيج لمدة 5 دقايق يغلي على نار متوسطة

اغرفي الباستا في طبق التقديم ووزعي الكريمة مع الجمبري فوقها

زيني الطبق بباقي كمية جبن البارميزان وقدميها ساخنة وبالهنا والشفا

طريقه عمل سلطه الجمبري

المقادير:

•  جمبري منزوع القشر ومسلوق

• افوكادو مقطع مكعبات

• فلفل احمر مقطع 

•  بصل اخضر مقطع

• للتتبيله:

• مايونيز 

• 2 معلقه مسترده 

• 3 معالق زيت

• 2 معلقه زبادي

• عصير ليمون

• ملح حسب الرغبه 

• فلفل اسود حسب الرغبة 

• بابريكا

• رشه من الفلفل الاحمر الحار

طريقه التحضير 

نخلط التتبيله جيدا وتخلط مع الجمبري والخضروات وتترك في الثلاجه قبل التقديم وبالهنا والشفا

طريقه عمل شوربة الجمبري 

المقادير:

•  كيلو جمبري مقشر 

• 4 كوب حليب

• 3 كوب ماء

• كوب ونصف بصل مفروم

• 4 فصوص ثوم مهروس

• كوب كريمة طهي

• 4 معالق كبيرة بقدونس مفروم

• 3 معالق كبار زيت

• 3 معالق كبار زبدة

• 3 معالق كبار نشا

• ملح وفلفل اسود

طريقة التحضير :

في اناء على نار متوسطة ضعي الجمبري والمياه واتركيها تغلي صفي الجمبري ونحتفظ بالماء وتقشري الجمبري ممكن تقشري الجمبري قبل الغليان في الماء وتغلي القشر فقط

 في حلة على النار نسخن الزيت ونضيف الجمبري ونقلب على نار هادية 

 ثم ندوب الزبدة ونضيف البصل والثوم ونقلب لحد ما يدبلوا

ضيفي النشا والملح والفلفل الاسود ونقلب لمدة 3 دقايق ثم ضيفي الحليب بالتدريج مع التقليب المستمر ونضيف ماء قشور الجمبري ونقلب ونضيف الجمبري والكريمة والملح والفلفل الاسود ونقلب ثم اغرفي الشوربة في اطباق التقديم ونزينها بالبقدونس وقدميها وبالهنا والشفا

طريقه عمل ملوخية بالجمبري 

المقادير:

• 6 كوب ماء مغلي

• ملح حسب الرغبه 

• فلفل اسود حسب الرغبة 

• بصل

• جزر

• ليمون

• خل ابيض

• جمبري بقشره

للملوخيه:

• 6 كوب من شوربة الجمبري

• 3 كوب ملوخيه متخرطه

• ملح حسب الرغبه 

•  كمون

للطشه:

•  2 معلقة سمنة 

• 3 معلقة كبيرة ثوم مفروم

• فلفل اخضر مفروم

• معلقة كبيرة كسبرة ناشفة

• ملح حسب الرغبه 

• فلفل اسود حسب الرغبه

طريقة التحضير:

 فى حلة على النار نحط فيها بصل وجزر  وشرائح ليمون وملح وفلفل اسود وخل يغلوا ونضيف الجمبرى يتسلق ونصفيه بعد اما يغلي 

ثم قومي بوضع شوربة الجمبري تغلي ونضيف الملوخية  والملح والكمون ونقلبهم مع بعض لحد اما تحصلي على قوام مناسب ولما تغلي ارفعيها من على النار في طاسة على النار ضيفي السمن وتشوحي الثوم والكسبرة والفلفل الاخضر ونضيف ملح وفلفل لحد ما تاخد لون ذهبي فاتح ثم ضعي نصف كميه الجمبري ونضيفهم مع الطشة ثم ضعي الطشه على الملوخيه 

 في اطباق التقديم او طواجن تقديم رصي الجمبرى المسلوق وصبي عليه الملوخية وبعدين قدميها ساخنه وبالهنا والشفا 

طريقه عمل جمبري بصوص الزبدة 

المقادير:

• جمبري 

• ثوم مفروم

• ليمون

• شبت

• بهارات سمك

• زيت

• مستردة

• ملح

• فلفل

•  كمون

• جبنة موتزاريلا 

للصوص:

• زبدة

• دقيق

• ليمون

طريقه التحضير:

افتحي ضهر الجمبري ونظفيه ثم قومي بوضع الثوم المفروم وزيت ومستردة وبهارات سمك وملح وفلفل وليمون وشبت ورشة كمون ونخلهطم كويس مع بعض وننزل فيهم الجمبري وسيبي التتبيلة على الاقل ساعتين  قومي بوضع جريل على النار وضعي عليها الجمبري واشويه حطيه علي الناحية مش اللي احنا فاتحنها علشان ميتهريش ونسيبوا شويه صغيرين ونقلبوا لحد ما ياخد لون بينك ونشيلوا ثم قومي بوضع زبدة حوالي  كوب تسيح وحطي عليها عصير ليمون ودوبي معلقتين دقيق كبيرة في معلقتين مياه ونحطها علي الزبدة لحد ما الصوص يتقل ونحطها فوق كل واحدة من الجمبري

ثم قومي بوضع الجبنه الموتزاريلا على الوش وضعيها في الفرن وطلعيها ورصي الجمبري في طبق التقديم وقدميها وبالهنا والشفا