طرق عمل المكرونه بأنواع مختلفه وشهيه

طريقه عمل المكرونه االباشميل

المقادير:

•  مكرونه

• لحمه مفرومه 

•  كيلو وربع لبن

•  5معالق دقيق 

• 5 معالق زبده او سمنه

• جبنه كريمي 

• فلفل اسود 

• ملح

طريقه التحضير:

سيحي الزبده وانزلي بالدقيق وقلبيهم جيدا ثم انزلي عليهم باللبن ثم قومي بوضع اي نوع جبنه كريمي وحطي رشه ملح ورشه فلفل اسود وقبل اما ترفعيه من على النار حطه جبنه موتزاريلا 

ثم قومي بتعصيج اللحمه 

 ثم قومي برص المكرونه واللحمه ووضع البشاميل ووضع جبنه موتزاريلا للوجه وعندنا يتغير لون الوجه خرجيها من الفرن وقدميها وبالهنا والشفا

طريقه عمل النجرسكو 

المقادير:

• باكيت مكرونة نوعين مختلفين 

• صدور دجاج

• 2 حبة بصل

• فلفل الوان 

•  ثوم بودرة

• بصل بودرة

• ملح

•  فلفل أسود

•  زيتون شرائح

• جبنة شيدر مبشورة

• موتزاريلا 

•  مكعب مرق دجاج

• كوبين حليب

• 3 معالق كبار دقيق

• 3 معالق كبار زبدة

• معلقتين كبار زيت

• عصير ليمونه 

طريقة التحضير:

قطعي صدور الدجاج وحطيها مع بصلة مفرومة ناعم وملح وفلفل وبهارات وعصير الليمونة وسيبيها في الثلاجة تتبل شوية

ثم قومي بوضع الزبده على النار لحد اما تسيح ثم قومي بوضع الدقيق عليه وقلبيهم جيدا لحد اما يصفر لونها ثم قومي بوضع اللبن ومرقة الدجاج وقلبيهم جيدا ثم قومي بإضافه الجبنه الشيدر ورشه من الفلفل الأسود وقبل ما ترفعيها من على النار قومي بوضع القليل من الجبنه الموتزاريلا 

ثم قومي بوضع زبدة ومعلقة زيت في طاسة كبيرة وضيفي البصلة المفرومة وقلبيها لحد ما تدبل وبعدين ضيفي قطع الدجاج مع التتبيلة وباقي كمية التوابل وحركيها ثم قومي بوضع شرائح الفلفل الألوان وارفعيها من على النار وضعيها عليها الزيتون 

رصي المكرونه والدجاج في صينيه مع البشاميل وضعي على الوجه موتزاريلا وضعيهم في الفرن حتى تستوي ويصبح لون الوجه دهبي اخرجيها من الفرن وقدميها وبالهنا والشفا

طريقه عمل لازانيا

المقادير:

• باكيت لازانيا 

•  لحمه مفرومه

• 2 بصله كبيره مفرومه ناعم

•  ثوم مفروم

• 4 معالق كبار زبده.

• ملح حسب الرغبه 

• فلفل أسود حسب الرغبه

• بهارات لحمه 

• طماطم مقشره ومفرومه

• معجون طماطم

مقادير البشاميل:

• 4 كبار زبده

• ملح حسب الرغبه 

• فلفل اسود حسب الرغبه

• 4 معالق كبار دقيق

• جبنه موتزاريلا

• 2 كوب حليب

طريقه التحضير:

قومي باضافه الزبده على النار وضعيها عليها البصل وقلبيهم كويس لحد ما البصله تدبل ثم قومي باضافه اللحمه والثوم وقلبيهم جيدا حتي تستوي اللحمه ثم قومي باضافه الطماطم والبهارات والملح والفلفل الاسود وقلبيهم جيدا واتركيها على النار شويه ثم ارفعيها من على النار

طريقه عمل البشاميل:

ذوبي الزبده على النار ثم قومي باضافه الدقيق وقلبيهم جيدا ثم قومي باضافه الحليب وقلبيهم لحد اما يتقل ثم ضيفي الملح والفلفل ثم قومي بإضافه الجبنه الموتزاريلا مع الاستمرار في التقليب وبعدين ارفعيها من علي النار

ثم قومي بسلق اللازانيا نصف سوا في ماء عليه ملح وزيت وبعدين طلعيها وحطيها في مياه بارده 

فيه أنواع لازانيا مش بتحتاج سلق وبنستعملها على طول

ثم قومي بدهن صينية بالبشاميل وفوقها طبقه من اللازانيا وطبقه من اللحمه وهكذا وكراريها وخطيها بطبقه لازانيا ثم قومي باضافه الموتزاريلا 
قومي بوضع الصينيه في فرن ساخن لحد اما يتغير لون الوجه وقدميها وبالهنا والشفا

طريقه عمل مكرونة بالقشطة 

المقادير:

• باكيت مكرونة

• علبه جبنة كريمي

• علبه قشطة

• كوب حليب

• بصله مفرومة 

• ثوم بودرة

• جبنة موتزاريلا

• زبدة

طريقة التحضير:

اسلقي المكرونة وصفيها 

ثم قومي بدهن صينية بالزبدة وقومي بوضع المكرونة المسلوقة فيها

اخلطي الجبنة الكريمي مع القشطة والحليب والملح والفلفل والثوم والبصل

قومي بصب المزيج فوق المكرونة ووزعي الجبنة الموتزاريلا وقلبيهم جيدا ممكن تقدميها كده او تحطيها في الفرن لمده 5 دقايق وقدميها وبالهنا والشفا